Description
Swalaah of women in congregation in Masjid for Jumu’ah and Taraweeh
Namâz Fardh c’est enn ‘Ibaadat ki enn musulman(e) bizin obligatoirement accomplir li régulièrement. Pou bann hommes, li Sunnah Muakkadah faire Namâz Fardh en Jamâ’ah dans Masjid. Quant à bann madames, li meilleur zott faire Namâz la caze, basant lors Hadeeth de Rasoulullâh (صلي الله عليه وسلم).
Malgré ça, bann madames ti pé vinn faire Namâz en Jamâ’ah dans Masjid dans l’époque de Nabiyyé Kareem (صلي الله عليه وسلم) et règne de Sayyidunâ Abou Bakr (رضي الله عنه). Dans l’époque de Sayyidunâ ‘Umar (رضي الله عنه), certaines madames pas ti pé respecter bann conditions imposées par Sharee’ah quand zott ti pé vinn Masjid, alors Sayyidunâ ‘Umar (رضي الله عنه) ti mettre restriction lors bann-là. Après cela, bann ‘Ulamâ finn toujours éna Ikhtilâf (différent l’opinion) concernant le sujet “MADAME VINN FAIRE NAMÂZ EN JAMÂ’AH DANS MASJID”.
Dans l’époque actuelle, plusieurs grands ‘ULAMÂ SUNNI à travers le monde, tel que MUFTI-É-A’ZAM PAKISTAN (le plus grand Mufti Sunni de Pakistan), ‘ALLÂMAH PROFESSOR MUFTI MUNEEB-UR-RAHMÂN, ‘ALLÂMAH GHULÂM RASOOL SA’EEDIY (Pakistan), MUFTI DR. SHAWKIY ‘ALLÂM (L’Egypte) et encore beaucoup les autres ‘Ulamâ, basant lors certaines raisons solides, finn permettre bann madames vinn faire Namâz en Jamâ’ah dans Masjid, surtout NAMÂZ JUM’AH ET TARÂWEEH, en respectant strictement bann conditions imposées par Sharee’ah.
À noter ki ça permission-là (li) lors niveau de permissibilité. C’est à dire li permissible pou bann madames participe dans Namâz en Jamâ’ah, mais li Mustahab zott faire li à la maison.
Li important pou garde en tête ki ça sujet-là c’est enn Mass’alah de Fiqh lors ki bann ‘Ulamâ finn toujours éna Ikhtilâf. Donc si nous pas partage la même opinion, ça pas bizin vinn enn raison de désaccord et division dans Ahlus-Sunnah Wal Jamâ’ah.
Ki Allâh accorde nous compréhension de So Deen, et Li donne nous Tawfeeq pou travaille ensemble pou l’unité et progrès Ahlus-Sunnah Wal Jamâ’ah.
Reviews
There are no reviews yet.